थानै मनाऊं भोळा लैरी जोड़ू दोन्यो हात, लाज म्हारी राखज्यो

बाबा म्हारी लाज आपकी हात तो देखो संकर भगवान न मोबा क

ले पारबती भीलणी रूप बण जावै अर संकर भगवान भीलणी रूप

देखर मोईत हो जावै तो संकर भगवान खबा लागै, अरै भीलणी

वांक सामन कांई चोट उतारै।

सिवजी तेरी जटा मे बैती गंगा धार, गल सरपो की माळा हे,

फनो मरग की छाल, तो देखो गोरा पारबती जब संकर भगवान

न अपणो वर चुण ल्यवे तो देखो गोरा पारबती की माता

अरै सखी सयल्यां गोरा न नट बा लागै अर कांई कवै।

म्हारी पारबती मत परणै री सान्डया जोगी न................. (2)

अरजि भाटी रै रामां पड़्‍यो छै जेळ म जुड़्‍या रा ताळा क्युं

न टूटै, हाजी भाटी पड़्‍यो रै जेळ म जुड़्‍या रै ताळा क्युं

न टूटै, बाबा तसूं राम रणोज्यो क्युं न छुटै, कांई थारै

गुड़लो होग्यो रै दुबळो..(2)

ऐरै कांई टांगड़ी टूटै, तसूं राम रणुज्यो कान छुटै,

राम नांऊ को आळसी भोजन को होसियार।

तुलसी ऐसे जींव को तो बार-बार धिकार॥

पेट टंसा टंसा भर लियो अर सोग्यो टांग पसार।

मांथै आयो तांवड़ो, अब तो आंख उगाड़॥

अबतो आंख उगाड़, हरि का सूमरन करले।

यई कास निज राम का धन घट में भरलें।

सोवत सोवत क्या करें, सोवत आवे नीन्‍द

काळ सराणै आरयो तोरण आवे बिन॥

अर घणा दन सोलियो रै, अब तो जाग मुसाफिर जाग….2

अर पली सोयो मात गरभ म ऊल्‍टा म्हूं लटकार।

अर भीतर सूं जद बारै आयो, भूल्‍यो कोल करार।

जनम थारो हो गयो रै, अब तो जाग मुसाफिर जाग।

एक सपाई छो। ऊक बना पढ़ी लुगाई छी,तो उन खी क बड़्‍या टोप

की स्याग रान्दज्ये तो उन ऊंका लोग की फरबा की टोपी काटरै सब्जी

बणाली। तो ऊ सपाई न खी क सब्जी कींकी बणाई क टोप की

अर क पागल म्हूं तो कर ग्यो छो क टोप की स्याग रान्दज्ये, तो इक

अदर्यास उन एक गाणो गायो‌ छै।

जमानो भागा दोड़ को आग्यो रै बाप क पली बेटा क बुढापो

छाग्यो।

जमानो भागा दोड़ को आग्यो रै ..…(2)

माथा ऊपर सूरज तपतो तो बिन बिस्तर त्यागअ, अर ऊठ जांऊ तो

चाई को प्यालो पली मांगै, यो गुटगो सन्दो खाग्यो रै

बाप क पली बेटा क बुढापो छाग्यो

आणन्द सतसंग मां आवरै, आणन्‍द भजना म आवरै।

अर मिलो रै गरूजी सूं भरम सन्दो ई मट जावै रै।

आणन्‍द सतसंग म आवरै।..........…(2)

अर ई सतसंग म लाब घणो रै वा बये अमरत की धारा

अरे पिवअ सन्त सूधा मनकी प्यास बझावै रै।

आणन्‍द सतसंग म आवरै.............(2)

भारत देस महान आपणो इन सब जग जाणै छै

अर यां प मान सबको इन बी सब मान छै॥

आज देस की हालत बगड़ी, घरणा करली नार्या सूं

गलत काम मनख करै छै, दोस लगावै नार्या सूं॥

बेटो जनम घणी खूसी होवै, बेण्ड बाजा बजावै छै।

बेटी जनम अर सूणले तो, सबका मुण्‍डा कमलाव छै॥

गरू जी क आगै म्हारा ससरा जी खड़्या छै जी गरू जी क

आगै म्हारा जेठ जी खड़ा छै।

गरू जी क आगै म्हारा देवर जी खड़ा छै जी

गरू जी झालो देर आ री नानण बण म भरूजी झालो देर आरी

नानण बण म। नानण बण म हाला री बण म

भरूजी झालो देर आरी नानण बण म।