एक सपाई छो। ऊक बना पढ़ी लुगाई छी,तो उन खी क बड़्या टोप
की स्याग रान्दज्ये तो उन ऊंका लोग की फरबा की टोपी काटरै सब्जी
बणाली। तो ऊ सपाई न खी क सब्जी कींकी बणाई क टोप की
अर क पागल म्हूं तो कर ग्यो छो क टोप की स्याग रान्दज्ये, तो इक
अदर्यास उन एक गाणो गायो छै।
अर गद्दी रेवड़्या प चतर परणादी रै, अर अनपढ़ सूं करादी म्हारी सादी
अरे जद म्हूं इन होटल प लेग्यो, अर चपला बारै इन छोडी
अरे समोसा क देता रूंता, धी प्लेटां इन फोड़ दी।
म्हारी जिन्दगाणी धूळ म मलादी, अनपढ़ सूं करादी म्हारी सादी।
अरे जद म्हूं इन सनेमां म लेग्यो वां बी घुंघट लेल्यो।
टट्टी घर म जार इन नळ सूं पाणी पिल्यो।
म्हारी जिन्दगाणी धूळ म मलादी अणपढ सूं करादी म्हारी सादी।
अर गद्दी रेवड़्यां प चढर परणादी…….........…।
अरै पोलस्टर की साड़ी लायो, लुगड़ो बणाद्यो।
अर नाबा को साबण इन लता क लगाल्यो।
म्हारी...........................................……………।
अरै केरोसीन को तेल लायो मांथा क लगाल्यो।
अरै चमेली को तेल इन चुला म घमकाद्यो।
म्हारी..............……………..............................।
अर गद्दी.............................……………......…।
अरै दिखत म या असी दिखै मसाणा को भूत।
रोटी पोबा का लकण कोइन खाबा म या मजबूत।
म्हारी................……………………।
अर गद्दी...………………………………….॥
- तरक माण्डो