सिवजी तेरी जटा मे बैती गंगा धार, गल सरपो की माळा हे,
फनो मरग की छाल, तो देखो गोरा पारबती जब संकर भगवान
न अपणो वर चुण ल्यवे तो देखो गोरा पारबती की माता
अरै सखी सयल्यां गोरा न नट बा लागै अर कांई कवै।
म्हारी पारबती मत परणै री सान्डया जोगी न................. (2)
डुंगरा प जार बैठ्यो धुणा प यो गाळ लेगो गोडी न,
म्हारी पारबती मत परणै री सान्ड़्या जोगी न................ (2)
नाड्या प यो बैठ्यो डोलै, भांग धतुरा यो तो खावअ, लारां तो
सोटा तुन्दि न, म्हारी पारबती मत परण री सान्ड्या जोगी न……(2)
भूत चुड़्याल्या नाचै, बिच्छु टिकी प लटकै, खाल तो फेरै यो
टुन्डी म।
डुंगरा प जार बैठ्यो धुणा प यो गाळ लेगो गोडी
न, म्हारी पारबती मत परणै री सान्ड्या जोगी न............. (2)
डम डम डमरु बाजै, नाग फुं फुं फावे माळा तो फेरै मनक्यां
मुन्डी न।
डुंगरा प जार बैठ्यो धुणा प यो गाळ लेगो गोडी
न, म्हारी पारबती मत परणै री सान्ड्या जोगी न ............(2)
ऊ तो जोगी बणतो डोलै, गोरा सूं कुणतो बोलै, कुण तो खोलैगो
रै मनकी कुन्डी न।
डुंगरा प जार बैठ्यो धुणा प यो गाळ लेगो गोडी न।
म्हारी पारबती मत परणै री सान्ड्यां जोगी न………………. (2)
- तरक माण्डो