राम नांऊ को आळसी भोजन को होसियार।
तुलसी ऐसे जींव को तो बार-बार धिकार॥
पेट टंसा टंसा भर लियो अर सोग्यो टांग पसार।
मांथै आयो तांवड़ो, अब तो आंख उगाड़॥
अबतो आंख उगाड़, हरि का सूमरन करले।
यई कास निज राम का धन घट में भरलें।
भजन बिना बावरा अरे भजन के बिना बावरा
थन हीरा जस्यो जनम गंवायो………………….(2)
अरे कभी बी न आयो सन्त की सरण।
कभी न हरी गुण गायो,
अर पच-पच मर्यो बैल क नांई।
ऐस्यो रै ऐस्यो ऊंट खायो।
अर थन हीरा जस्यो जनम गंवायो………….(2)
भजन बिना बावरो
अरै यो सण्सार हाट बणिया को,
सब जग सोदा आयो,
अर चातर मांल चोगणा किन्ना,
बे मुरख मोळ घटायो।
थन हीरा जस्यो जनम गंवायो रै भजन बिना बावरो…(2)
- तरक माण्डो