लेख चढाबा क्ले दिसानर्देस
(अ). लेखां को परकार
ई वेबसाइट क्ले अपणा लेख त्यार करबो अर मदत देबा क्ले नराक दिसानर्देस द्या ग्या छअ।
1. सांस्करतिक रूप सूं उपयुक्त:- ई वेबसाइट पअ सन्दा लेख हाडोती समुदाई, आपणी संस्करती अर हाडोती कअ बारा मअ होणी चाईज्य। अस्या लेख ज्ये सांस्करितक या सामाजिक रूप सूं हाडोती समुदाई क्ले छोका कोइनअ, वांको स्वागत नअ कर्यो जावगो अर ना ही वांई ई वेबसाइट मअ चढायो जावगो।
2. बांटबा हाळो लेख:- हर समाज मअ घणा दर्सटीकोण होवअ छअ अर वो एक दूसरा ई बांटबा को ई काम करअ छअ अर मनक्यां नअ एक लारां मलावअ कोइनअ। ई वेबसाइट को उदेस्य हाडोती समुदाई कअतांई एक लारां लाणो छअ। उदारण क्ले, राजनिति अर धरम का मनक्यां बांट नअ सकअ। ई ले, ये सोंच समझर करअ:
- ई वेबसाइट पअ चढाया ग्या सन्दा लेख गेर-राजनिति होणा चाईज्ये। वां सन्दा लेखा सूं बचो ज्ये एक राजनितिक दरस्टीकोण या फेर ओर ले छअ।
- ई वेबसाइट पअ चढाया ग्या सन्दा लेख गेर-धारमिक होणी चाईज्ये। वां सन्दा लेखा सूं बचो ज्ये कस्या बी धरम या फेर कस्या बी भगवान की बडायां करअ छअ।
3. निर्माण सोसाइटी को सपणो, मिसन, अर मेन मोलां कअ लारां मलाण:
हाडोती मअ वेबसाइट विकास निर्माण सोसाइटी की एक पअल छअ ज्या हाडोती समुदाई अर ऊंकी हडोती को विकास क्ले काम करअ छअ। यो जरूरी छअ कअ वेबसाइट निर्माण सोसाइटी का मोल अर उदेस्या कअ खिलापत कोइनअ। वांकी वेबसाइट पअ निर्माण को सपणो अर मिसनर मेन मोलों का वरणन कर्यो ग्यो छअ।
4. लेख को परकार:- ई वेबसाइट पअ उकसाबा हाळा लेखा का परकार, पण अटकाव कोइनअ। पिनअ मण्डर्या छअ:
- समुदाई, ऊंकी हडोती, संसकरती, वांकअ मारपत मान्या ग्या धरम, मनक्यां को इतिहास, छेत्तर, ठाम को नकसो, सांस्करतिक रूप सूं परासंगिक फोटू, सबदकोस, ख्याण्यां, कणावतां, लोकगीत, मुवावरा, फ्याळ्यां, बातां, समचार पतर, जनम, मोत, ब्याव, त्वार, सांस्करतिक कारेकरम आदि कअ लारां समारोह को वरणन।
- सरकारी यां गेर सरकारी कारेकरमा कअ बारा मअ जाणकारी ज्ये हाडोती मअ, समुदाई क्ले फाईदामन्द छअ।
- निर्माण का कारेकरमा की जाणकारी जस्या हाडोती साक्सरता, हाडोती विकास, करसी सिक्सा आदि।
- वां कारेकरमो कअ बारा मअ जाणकारी ज्ये समुदाई क्ले फाइदेमन्द छअ अर वेबसाइट पअ जोड़बा क्ले बच्यार कर्यो जा सकअ छअ।
- हाडोती में छप्यो ज्यो इलोक्टरोनिक रूप सूं मलअ छअ, ओनलअण छप्यो परकासनाधिकार कअतांई मानणी पड़अगो। अगर कोइ होवअ।
- हाडोती, समुदाई, संसकरतिक आदि कअ बारा मअ हाडोती परकासन की सूची।
- हाडोती मअ दूसरी वेबसाईटां को लिंक, ज्यां समुदाई, हाडोती, संस्करती, छेत्तर आदि कअ बारा मअ परासंगिक जाणकारी छअ।
(ब). चढाबो ( अपलोड करना)
ई वेबसाइट पअ कस्यो बी लेख चढाबा क्ले या दिसानर्देसां की पालणा करणी चाईज्ये।
- ई वेबसाइट पअ कोई बी लेख चढाबा सूं पअली काम मअ लेबा हाळा का फोन नम्बर अर ईमेल आइडी कअतांई काम मअ लेर पंजीकरण कराणो होगो।
- ई वेबसाइट पअ खुद को माण्ड्यो होणी चाईज्ये कोई की नकल नअ होणी चाईज्य।
- वेबसाइट पअ लेख चढाबा सूं पअली वेबसाइट का सम्पादक सूं जांच कराणी पड़अगी अर अगर उमअ कानकांई बदलणी पड़ सकअ तो बदलणी पड़अग। इकअ ले ऊंई राजी होणी पड़अगो।
- लेख सम्पादक कअ जांच्यां पाछअ ई ओनलअण होवगो। अगर सम्पादक ई नअ मानअ तो यां ऊंई समझ मअ नावगो तो ऊ चढाबा हाळा कअतांई सुचनका दी जावगी। पण सम्पादकीय टीम को ई आखरी निरण्य होवगो।
- सम्पादकीय टीम कअ लेख छप्यां पाछअ ऊंई पाछो हटाबा को अधिकार राखअ छअ। अगर कानकांई आपति यां कोइ दावो छअ तो।
(स). तयारी
ई वेबसाइट पअ चढाया ग्या सन्दा लेख अनुमोदन की परकिया सूं होर खडअगा। यांई जांचबा का तीन स्तर होगा।
- सामगरी समनवयक कअ हाता सूं अनुमोदन:- सामगरी समनवयक एक हाडोती बोलबा हाळो होगो ज्ये समुदाई की हाडोती, संस्करती, इतिहास, यानअ चोकतण्या जाणतो होवअ सामगरी समनवयक को लेख, ऊंको मोल, हाडोती, जरूरत आदी मलअगा अर ऊंकी जांच करअगो। सामगरी समनवयक अस्या मनक कअ बी सायरो लगावगो ज्यो नया लेख माण्डर्यो छअ अर ऊंई कसी बी तरअ की मदत की जूरत छअ।
- वेबसाइट सूतरदार कअ हाता सूं अनुमोदन:- वेबसाइट सुतरदार हाडोती ई बोलबा हाळा सूं बातां करअगो इकअ बारा मअ फेर लेख कअतांई लेगो यां फेर नटज्यागो चढाबा क्ले। ई मंजुरी मल्यां पाछअ ई चढायो जावअगो। अगर कोई सूं अगर मंजुरी नअ मली तो ई वेबसाइट मअसूं हटाद्यो जावगो।
- वेबसाइट मनेजर कअ हाता सूं चढायो जाबो:- हर लेख की जांच करबो वेबसाइट मनेजर की जमेदारी रअ छअ। जद वेबसाइट मनेजर कस्या बी लेख कअ तांई लेवअ छअ तो ऊंई मनक्यां कअतांई दखायो जावअ छअ। खाली मंजुरी हाळा लेख ही चढाया जावगा अर बना मंजुरी हाळा लेख हटाद्या जावगा।