परिचय
या वेबसाइट मेन रूप सूं हाडोती मअ बोलबा हाळा कअ काम मअ लेबा क्ले छअ। सन्दा हाडोती बोलबा हाळा मनक्यां नअ इमअ साईत्य क्ले सायता करबा क्ले बुलाया जावअ छअ- जस्यांकि ख्यांण्यां, कणावतां, गीत, लेख, मुवावरा, फ्यांळ्यां, कारेकरम, सांस्करतिक कारेकरम, आदी। दूसरा बोलबा हाळा कअ मारपत वेबसाइट पअ अपलोड करी गी सन्दी सामगरी खाली हाडोती मअ होगी। ये सामगर्यां सांस्करतिक, सामाजिक रूप सूं हाडोती समुदाई क्ले बी प्रासंगिक होणी चाईज्ये। जद अर जस्यां सम्भव होवअ, चयनित लेखों को दूसरी भासा मअ अनुवादित कर्यो जा सकअ छअ आर अनुवादक की उपलब्धता कअ आधार पअ, दूसरी भासा मअ उपलब्ध करायो जा सकअ छअ।
वेबसाइट की पअल
- स्वामित्व:- आपण हाडोती समुदाई हडोती अर संस्करति का मालिक छां। आपण भासा का विसेसग्य छां अर कस्या बी बारका मनक सूं बड़्या हाडोती बोलां छां। अर वेबसाइट पअ सामगरी का स्वामित्व पूरा हाडोती समुदाई का होवगो।
- हाडोती समिति:- (समुदाई को नांऊ) बोलबा हाळा की समिति वेबसाइट मअ नुई चीजां जोड़बा क्ले सकरिय रूप सूं भेळा मअ होगी। वअ वेबसाइट कअ तांई बणाई राखबा क्ले अर रखरखाव करबा क्ले जमेदार होगा।
- सामगरी परदान करें:- खाली हाडोती बोलबा हाळा मनक हाडोती मअ लेख, कबिता, ख्यांणी आदि माण्ड सकअ छअ। आपण हाडोती बोलबा हाळा का रूप मअ मनमान साईत्य सामगर्यां बाणाबो अर वांई वेबसाइट पअ अपलोड करबा क्ले आपण मलर काम करंगा। हाडोती मअ माण्डबा हाळा नअ पचाण्या जावगा अर उकसाया जावगा अर वांको पद बढायो जावअगो। क्युंकी आपण जादा सामगरी योगदान देता रां छां।
- पंजीकरत योगदानकरता:- सम्पादित करबा क्ले सामगरी अर सुझाव देबा क्ले, वेबसाइट पअ नांऊ, पतो, मोबाइल नम्बर, अर ई मेल आईडी जस्या सामाना कअ लारां पंजीकरत होणो चाईज्ये। अस्यां मनक की सन्दी सुचनका छपार राखंगा अर कदी बी सारवजनिक नअ कर्यो जावअगो।
- सुझाव:- हाडोती बोलबा हाळा खाली ई साईट मअ डली हुई सामगरी को बदलाव क्ले सुझाव दे सकअ छअ, लेआउट या वेबसाइट कअ बारा मअ कोई बी सादा सुझाव दे सकअ छअ