कोड्‍या सूं भर्यो आळ्यो । मुंह

उन्देरा घर म जींतरा फलार बअठ्‍यो । झाडुं

हरी कुतरणी लाल कुतरणी माई क पैली बेटी परणी। मिर्ची

यो आग्यो अर ऊ ग्यो। चांद सूरज

दो भाई एक स्‍यापो बांधअ। बेल जुडो

दोनो भाई मलबा की करै पण मल न सकै। कुळो

एक टका की नो मण खारी बत्त्तर पचेरी का कतणा होया। नोमण

गांऊ का पटैल जी क पाछै च्यार गुलाम। चारपाई

च्यार तो कमावै च्यार चालै दो बैठ्‍या रै एक हालै। भैसं

चीज म्हारी, पण उन ओर काम म लेवै। नाम

अगला-बगला धोळो बीच म काळो। आंख

अंधेरा घर म घी को टपको। दिपक

पांच भाई म सब म पांती पण एक म पांती कोइनै। विध्‍या

धोळो खेत काळो बीज बाअबा हाळो गाव गीत। कागज,पेन

म्हूं कटुं म्हूं मरूं थारै काइमी आसूं आवै। प्‍याज

हर्यो घोड़ो लाल लगाम जिम बैठ्‍या काळा पठाण। तरबुज

एक भाई उन्‍दो एक भाई सुदो। खोलु

सलखणी तलवार बेटा भींत क देपाड़। नाक आना

थां तो फाड़ै अर घर आळी मलै। लकड़ी

दन म भरी रात म खाली। अलगणी

गांऊ म पीर गांऊ म सासरो अर चींचीं करतो जावै। किवांड

अटि नन्‍दी उटि नन्‍दी बीचाम खज्युर झाला राणी माथो नावै देखो जी हुंजुर - छाछ बलोवणी

भूरी भांस भराड़ो माथो पकड़्‍यो सींग कर्यो अड़ाटो। घटी

एक मसोड़ म दो भाई सुता। चना

आंगळी भर्यो घालै पचेरी भर्यो हालै । मंजन

बाळक घालै आडो ढोडो, बुढो घाल बैठर, मोट्यार अस्यो घालै जा पुगअ टेठ। -जुतो

थूंक लगार खड़ो कर्यो दखोबा क्ले आडो कर्यो - सुई धागो

गार को घोड़ो लोया की लगाम जिम बैठ्‍या पलपला ज्‍वान। पुवा

धोळो घोड़ो झाबरी पूंछ तई नावै तो थारा बाप ई पूंछ । मुळो

हरी छी अर खड़ी छी लाख रप्या सूं झड़ी छी पटैल जी को हुकम होयो रेवड़ी प पड़ी छी। पातळ

हाड कोइनै मांस घणो कान कोइनै सुणै घणो। - सांप

छोटस्यो नाड्‍यो बन म जार ठाण्ड्‍यो। कुराड़ी

छोटी सी टमटी टमट करै, लाख रप्या बणज करै। कलम दवात

छोटी सी खंजड़ी भाटा सूं चगदी, आया पांवणा टका देद्‍या नगदी - तम्बाकु

छोटी सी लकड़ी तनकत

या, हात लगा तांई अरी म्हारी म

या। - बिच्‍छु

एक घर आळो दूसरा घर म पालो दोन्या क न बणी तो तीसरा घर म चालो। - जर्दा चुना

तीन पगा की तिबुराणी खावै लाकडा़ खाडै पाणी । - गना चरकी

धोळो रै धी क नाई, दूक रै नार क नाई। - शंख

काळी सी कंकाळी छी रातो पाणी पे छी मर्दा क कांदै रै छी। - बन्दुक

अड़ काटुं बड़ काटुं बड़ का बांधु भारा आई नन्‍दी म चोपट खेलुं देख तमाशा म्हारा । - नाव

म्हारै आया छै पांवणा ज्यो लाया छै गाडो थारै हो तो दरी सण्‍सारा का लाडो। - नुण

आलअ धोरै ऊ उगै आव सुगन्ति बास थारै होव तो दरै बाण्या जीसू उगड़अ स्याग। - जीरो

जाणपचाण कद की हात पकड़्यो जदकी अरे बारै कद की आदो धंसग्यो जदकी हसीमजाक कद की पुरो घुसग्यो जदकी। -चुड़ो लकारो

गांऊ चाल्या घोट चाल्या लीन्दरो लटकार चाल्‍या । - ताला

एक नारी प बारा नर, बारा नर प छ नारी, छ नारी प एक नर । - गाडी का पहिया

एक बाड़ा म ग्यारह नर एक नारी - वर्ष

दो खम्‍बा क उपर टंकी, टंकी क उपर लोडी, लोडी क उपर घांस, घांस क उपर भांस - शरीर

काळ्यो बैल खाळी रैग्यो रात्यो बैल टेक चढग्यो - काजल टिकी