एक बार की बात छै। क एक दन कागला को लगन मण्ड्यो। लगन मण्डतांई सन्दा ज्यानबर भेळा होग्या। भेळा होतांइ सबन ई खी क ब्याव माण्डो ब्याव माण्डो। तो कागला न खी असी बात छै। म्हूं तो न परणू। थांतो जो यां गरीब छै उनै परणावो। तो याम गरीब ज्यात कबूतरां की छै। तो वान की कबूतर को ब्याव करावो। तो मोळ्डा न बी बूलावो। तो मोळ्डो बी बुलायो अर खी थां ईकी जमान्त बी ल्यो। अर इको ब्याव करो। अर सन्दा भेळा होग्या। खड़गोस, गनकड़ो, बल्ली, भेळा होया। अर ब्याव म कबूतर कतांई पराणाद्यो। अर कबूतर बैठ्यो छो क्वां का ढाणा प। अर मलाडी कबूतरी छेका म बैठी रै छी। अस्यां म टैम खडती गी। अर खडता-खडता च्यार बरस खडग्या। मोळ्डो वाम पटैल छो। तो मोळ्डो कांई कै छै क पीसा लावो। मोळ्डो ओर-लावो-लावो
तो कबुतरो कांई कै छै –भेळा करो भेळा करो भेळा करो।
तो ठिटोड़ी कांई कै छै – टिटकी लावो-टिटकी लावो टिटकी लावो
तो कुतो कांई कै छै - वा वा वा पीसा तो म्हूं लायो छो टिटकी कस्यां लाऊं। तो कोइन बी पीसा न द्या अर कबूतरां को घर बसग्यो।
(याई ख्यांणी अर याइ बात)
- तरक माण्डो