एक नगर को एक राजो छो। ऊ बड़्या न्याई करै छो। ऊका नगर वाळा राजा की दुख की टैम प परजा बी ऊंको घणो मान राकै छी। एक दन राजो बेस बदल अर ऊंका ई सैर म फरबा खडग्यो। ऊंइ गेला म बडो बुढ़ो मनख मल्यो। ज्यो फोरा-फोरा पोदा रोपर्यो छो। एक दम उसूं पूंछी। थां कस्यां पोदा रोपर्या छो। तो डोकरां न धीरप सूं खी। क आम्बा खा। राजा न उसूं पूंछी क यो कदेक बडो होवैगो। कदेक यांक आम्बा आवैगा। अर कतनो टैम लागगो। अस्यां सोंचर राजो डोकरा क आडी देखबा लाग्यो। अर खी सूण दादा। यां पोदां न बडो होबा म अर फळ आबा म कतनाक बरस लागज्यागा। कांई ज्यातांई तू जिबीइ करैगो क। डोकरा न खी थां सोंचर्या होवैगा। क म्हूं गैल्यो काम करर्यो छूं। जि काम सूं मनख ई फाईदो न मलै ऊ काम करबा सूं कांई फाईदो। पण आपण अस्यां बी तो बच्यार करां न पली का मनख्यां न जे पोदां लगाया छा। वांका फळ आपण न खाया छा। तो आपण जे रूंकड़ा लगावंगा वांइ पाछै का मनख खाव्हगा। इसूं आपणो करज बी उतर ज्यागो। मारैतांई मनमान सन्दा पोदां लगाणा छै। ताकी पाछै का मनख म्हारा हात का पेड़ सूं फळ खा सक। ज्यो खुद का फाईदा क लेक काम करै छै, ऊ तो लोभी मनख रै छै। अस्यां की बात सूणर डोकरा सू राजो घणो खूस हो यो अर चलग्यो।