ईं गीत म एक कवि एक बना ब्याइ छोरी जो होडोती नीली पोसाक पैन्या छै वा

कस्सी लागै छै ईंका बारा म गार्यो छै।

नीला लैंगा छोरी थारै दादर मोर ............ 2

मण्डर्या दादर मोररी आजा आजा गणगोर

नीला लैंगा म छोरी थारै दादर मोर ............ 2

स्याठ कली को लैंगो थारै लावण झालर दार

अर ठुमका का मत चालै छोरी मरज्यागा मोट्यार…………(2)

थारी-थारी ठुमक-ठुमक पायल बाजै

घुंगरू करता सोर

नीला लैंगा म छोरी थारै दादर मोर ………(2)

भरी जवानी जोबन थारो मरवादेऊं घरनावै……(2)

अर थारी भोळी सूरत म्हारा मन म भावै (2)

क हाता म चुड़ो चमके(2)

माथै चमके भोर

नीला लैंगा छोरी थारै दादर मोर…….(2)

चन्दा सा मुखडा प बिन्दी सूरज जइया चमके………(2)

होटा बीचै दांत दुधता ज्युं बिजळी ज्युं चमकै......

आजा पतंग लड़ाल्या छोरी बांद परेमकी डोर...............

नीला लैंगा म छोरी थारै दादर मोर (2)............