ई भजन म कवि या बात बतार्यो छै क मेळो लुगायां क लेकै
देखबो जादा बड़्या कोइनै यो भजन याई बात बतार्यो छै। एक लुगाई
ऊंका लोग सूं खै छै क एजी म्हानै मेळो दखाद्यो जी, ये म्हानै मेळो बताद्यो
जी ऐजी म्हारा पप्पु का पापा थां म्हानै मेळो बताद्यो जी।
मेळो लाग्यो भारी अर मेळो लाग्यो भारी उमै घणा जातरी आवै जी…(2)
बैठै पाळ प बासूंरीया म गीत रसीला गावै जी ……………….(2)
ऐजी लाईट का झुला म म्हानै झुलो झुला द्यो जी।
ऐजी म्हारा पप्पु का पापा थां म्हानै मेळो बताद्यो॥
अरै कळाकन्द प मन आग्यो (कळाकन्द व मिठाई छै
साब जिमै सकर जादा अर मावो कम गांऊ म याई मलै छै
साब)
कळाकन्द प मन आग्यो जी या बरफी खारी लागै।
मंगुजी गरम पकोड़ी म्हारा मन म भागी जी॥
ऐजी रस म डुब्या काळा जामुण म्हनै चखा द्यो जी ऐजी म्हारा पप्पु का
भाईजी थां क थां म्हानै मेळो दखाद्यो जी।
क मेळा मे मत जावे गोरी मेळा म मांचर्यो हल्लो री…. (2)
(समझाबा को परयास)
मेळा म मत जावै री गोरी, मेळा म मत चालरी गोरी कोई
भरै छै बगल्या भरै छै मुंद्या री कोई मारै छै ठल्ला री…(2)
अर घणा मनचला सीट्या देवैरी घणा आंख्या चलावे री घणा
फील्मी गाणा गावै री छै म्हारा पप्पु की जीजी री।
ऐजी म्हारा पप्पु का पापा थां म्हानै मेळो बताद्यो जी।
काजळ बिन्दी चुड़ो चोटी कमर कणकती लाद्यो जी…………(2)
सागानरी छाप लगी साड़ी मन दिलाद्यो जी……(2)
डालै गळा म हात भंवर जी फोटु खिचाद्यो जी ऐजी ऐजी पप्पु का
भाईजी या क थे मन मेळो बताद्यो रै। (आखरी सबद के राऊ साब) क
मेळा म मत जावै गोरी घर की लाज बगड़ज्यागी………(2)
या थारी कंचन सी काया मेळी होज्यागी।
अर काळा ज्यामुण न पचगारी तू तो बाट्या खालै………(2)
- तरक माण्डो