एक टैम की बात छै। एक दन गांऊ म मेळो लागर्यो छो। ऊ मेळा म गांऊ का घणा मनख भेळा होया। वान एक दन गांऊ म हेलो पड़वायो। भाई जो गांऊ म सबसूं जादा आळसी होवै। उनै आज इनाम द्‍यो जावगो। सन्दा आळसी मनख्‍यां सूं म्हाको कैबो छै क थां सब वां पधारज्यो। स्यामकी सन्दा गांऊ का आळसी भेळा होग्या। जद मेळा का पांवणा न वां सबसूं पूंछी, थामसूं सबसूं बडो आळसी मनख कुण छै। तो सबन इनाम लेबा क तांई हात ऊबो करदयो पण एक मनख न हात ऊबो न कर्यो। जद गांऊ हाळा न पूंछी सबन हात ऊबा कर्या छै थन कस्यां न कर्यो। थन इनाम न लेणो क। वांकी बात सूणर ऊ मनख बोल्यो क म्हूं फेर हात खल्या मसूं खाडूंगु अर फेर उनै ऊबो करूंगु अर फेर थांक गोडै आणी पड़ैगो। जद जार इनाम मलैगो। जीसूं बड़्या छै। क बना हात ऊबो कर्यांई। बैठ्‍या रां। ऊंकी बात सूणर गांऊ हाळा न ऊंई सबसूं बडो आळसी मान्यो अर ऊंई इनाम दे द्‍यो।