आछी लागी थारै आग, थू कांईं समजै कपटी।
म्हारो भारत थारो बाप, पली बांट्यो करोनो॥
अब करबा लाग्यो राड़, अब संभळ जा हत्यारा।
पगां धरेगो थारी फाग, पराणी बातां न बिसरजा॥
अब थू रगड़ै गो नाक, कफन बान्ध चाल्या फोजी।
सेना होगी म्हांकी त्यार, म्हाकी फोज्यां न छूट मली॥
सन्दो देस वांकी लार, नानी आख्यां चाल सेतानी।
पतासा की नाक नाक, ऊंट आयो पाड़ क नीचै॥
अब आवैगी नानी याद, मरद होतो छाती प करतो।
पीठ पाछै कर्यो थनै वार, धोखा धड़ी सूं मार्या थनै॥
रै बी न्ह मानी हार, रणबांकुरां न जान लगादी।
बंदूक नअ कांईं हथियार, उगाड़ी छाती लड़्या सूरमा॥
मार्या चाळीस क पार, धन धन मायड़ का जायां न॥
आख्यां म आंसू आज, सन्दो देस नमन करै सईदां न,
सन्दा देस न यांपै नाज।।
- तरक माण्डो