फोजी चाल्यो रण म, कांधे धरी बंदूक।

बोरी बिस्तर समेट लै, समझाबा दो टूक।

आयो जस्यां फाचो जा, अब खावगो कूट।

गीदड़ की मोत मरैगो, लातां को थू भूत।

कसर कफन बान्ध लो, सन्दा करलो सूत।

मायड़ जाया छै सूरा, कस्यां लाजे दूद।

बेरी चाल्यो कपट चाल, लगावो ईंक जूत।

नानी आख्यां घणीं बदै, खूब जमावे धूंस।

मोको मलताईं दबोचले, घणीं मचाई लूट।

बड़ा बूढ़ा नअ धोखा खायो, अब रैणों मजबूत।

पाणी माथा ऊपर खडग्यो, घणी करी करतूत।

धोखाधड़ी सूं ठगतो आयो, यो बंण क जमदूत।

मोत को बोपारी छै दुसमण, अब ईंनै देवो सूंत।

घात लगार सिकार पकड़ेगो, अजगर को पूत।।