अस्यो कांई जमानो आयो, करोनो न बदली सन्दी रीत।
भाई सगा को मलबो मोसर, दो गज दूरी सूं निभावै परीत॥
मांडा सादी या रसोई रसांण, मूंडो बांद बायरां गावै गीत।
मेन्दी सीगसा म फोड़ा आया, सदा सूं यांको मांडा म सीर॥
बार बार तो हातां नअ धोणी पड़ै, संकट म मेन्दी की तकदीर।
हळदी सीगसो बी खावै कळोटा, करोना की डरावणी लकीर।
पचास मनख ईं हो सकै भेळा, कोई लेर आ जावै खांसी जुकाम।
बफर बफर की तो थां छोड़ो बातां, छानै सेक झीमों ज्यो मले पकवांन।
दूल्हा राजाजी क बी बांधी छींकली, कस्यां चाबे लाडाजी मूंडा म पान।
आच्छी बरी कुंवारी देह उतारणी छै, अमीर गरीब सगळा एक बर्याबर।
म्हां तो ईंमै बी भलांईं राजी छां भाई, क्यूं करणी पड़ै अतनो तामझाम।
फालतू को खरचो बी बच जावै सन्दो, कम पीसा म ई आच्छी रसांण।
सन्दी सरतां थारी मानर्या छां करोना, अब तो समेट लै बरी थारी दुकांन।
भापड़ा मनक्यां नअ साता सूं जीबा दै, मत पीवै दुसमण दुनियां का पराण।।
- तरक माण्डो