मन करै मन चेत्यो, उल्टो सीदो करावै काम।
साध्यां सूं बी न्ह सधै कस्यां लगावां लगाम॥
परभू भजन की बांधणी, करम करां बना मनसा।
बुरो देखां नअ बुरो करां, सदा जपां हरि नाऊं॥
पाप करमा सूं बचां, डील न्ह मलै आराम।
देखभाळ क गुरू बणावां, ज्यो होवै संत सुजान॥
मन को अन्देरो मिटा, सरीर को करै चतराम।
बेकुण्ठ को गेलो बतावै, पोछा देवै सुख धाम॥
खाड ब्वारो बैठ जावै, रूकाळै घणीं सन्दी ठाम।
चतराई सूं बणावै चेला, जीवन जीवै आलीसान॥
उल्टो सीदो फांदा ठोक, चोला न करै बदनाम।
ढोंगी खुद गोच्या खावै, काम करै नक्काम॥
गाजर को संख बजावै, बंद हो जावै दुकान।
मन न सदा निरमल राखां, सोभाऊ संत समान।
बरी संगत सूं आपां बचां, पूग जावंगां मुकाम॥
- तरक माण्डो