( 6 जुलाई सन् 1989)

असाढ़ उतर सावण लाग्यो, पण कम होई बरसात।

खंई पड़्या छांटा छड़का तो, खंई बरस्यो मूसळधार ॥

परकति की माया घणी निराळी, जीकी कांईं खैणी बात।

आछ‍्या-आछ्‍या समज न्ह पाया, बठ्‍या हात प धर हात॥

भारी बारिस की देवै चेतावणी, मोसम होजावै सन्दो साफ।

मोसम होजावै सन्दो साप, मोसम खुल्लो रैबा खवै तो जमर पड़ जावै बरसात॥

सन्दा अनुमान फैल कर दे, मोसम वाळा रोवै मूंडो ढांक।

पतकति भगवानै को ख्यो मानै, ईंकी सन्दीमाया ऊंकै हात।

परकति न कोई जीत न्ह पाया, न्ह जांण पाया ईंको राज॥

राजा जोगी संत पीर फकीर, समज न्ह पाया ईंकी तासीर।

वेज्ञानिक बी ईंकै आगै पाणी भरै, मनमोजी परकति छै वा चीज॥

परकति की डोर भगवान क हात म, या सुणै केवल ऊंकी अवाज सांवरिया नअ माफ करपा बरसाई,

म्हारा परवार की राखी लाज॥

आज क दन लागी म्हारी नौकरी, इकतीस साल पैली की बात।।