क्यूं डरफो थां अन्दर राजा, थांकै अदर्यास खींकी दाब।
धरती प करोनो खार्यो, थां बसो ऊपर आकास।
भरी जवानी म बूढापणों, थांकै क्यूं भरग्यो सास।
मचकी खार देवो धमोड़ो, अड़ाडूण बरसो न थां।
मनखदणीं घणां दुख पार्या, यांकै अंणांदो छोको धाप।
दातार सूं बड़ा बंणबो छाया, अब क नानी आई याद।
परकति सूं खेलबो भारी पड़र्यो, मांगे वा सन्दो हस्याब।
धरती माता गजब की तपरी, यो सांवण बंणग्यो बसाख।
चीन भलांईं करोनो फेलायो, पंण परकति बी देरी सात।
दन दूणों रात चोगणों बदर्यो, सन्दी दुनियां खाली हात।
अब तांईं तो मलबा सूं फेल्यो, अब सुंणर्या एक नई बात।
बाळ सूं फेलबा की चरचा चालै बंद करावगो लेबो सांस।
नाक मूंडा सन्दा बंद कराया ईंनै, अब सलेन्डर राखो लार।
क्यूं डरफो थां अन्दर राजा, थांकै अदर्यास खींकी दाब।।
- तरक माण्डो