अजी करोनो आग्यो भारत म छाग्यो यो संकट भारी।
अजी हळका मत लीज्यो जी, अजी ईनै समजो नर नारी॥
अजी ज्याग म ई रीज्यो, मास्क लगाज्यो या बेमारी भारी।
अजी करोनो आग्यो भारत म छाग्यो जी संकट भारी।
घबराज्यो मत ई संकट म सात निभाज्यो एक दुजा को (2)
अजी मोदी जी की बात मानकर हात धुलाज्यो सन्दा बाळकां का।
साऊदान रैकर लड़ज्यो जी (2)
समजो जिमेदारी अजी करोनो आग्यो भारत म छाग्यो जी संकट भारी।
कतनी अफवा फैल री छै कतनी बातां बणरी छै।
ज्ये लापरवा बण्या ज्ये देस तो, कतनी जतना मर री छै।
कतनी अफवा फैल री छै कतनी बातां बणरी छै।
बेमारी छै या सगी कोइनै, नअ थांकी न म्हारी
अजी करोनो आग्यो भारत म छाग्यो जी संकट भारी।
अजी हळका मत लीज्यो जी अजी ईनै समजो नर नारी॥
अजी कोइ-कोइ थोड़ा फाईदा क खातिर काळा बजारी कर्या छै।
अजी सरम वानै न्ह आरी घर अपणा भर्या छै (2)
देस क खातिर कुछ करबा को यो मोको छै भारी
अजी करोनो आग्यो भारत म छाग्यो जी संकट भारी।
घणा फरल्या अटी-उटी अब एक मीनो ज्याग म ई रीज्यो।
मनख ज्यात न बचाबा खातिर दुख थां सअता रीज्यो(2)
अजी इतिहास बणाद्यगां सन्दा मलअर भगा देंगा मामारी
अजी करोनो आग्यो भारत म छाग्यो जी संकट भारी।
अजी हळका म मत लीज्यो जी अजी ईनै समजो नर नारी॥
यो दूक ज्ये आपण सर्या छा ये आपण ईनै सर्या दुनिया पली घना सन्दा मनख अस्या होया छै ज्यानै घणा दुख सैर धरती मा की सायता करी छै। आज आपणो नम्बर छै आपण नअ बी बलिदान देर देस की रक्सा करणी छै।
राणा नअ तो हरी गासरी रोट्या खा खार टैम खाड्यो (2)
इतिहास गवा छै ये बातां को ये पन्ना म थे बी झांकल्यो।
ये जी धरती माई क खातिर भगत सिंह तो पांसी का फन्दा प लटक्यो।
अर भामासा नअ सन्दो धन धरती मा प कुरबान कराद्यो।
मनख जाति नअ बचाबा खातिर थां ताकत लगाद्यो सन्दी (2)
अजी करोनो आग्यो भारत म छाग्यो जी संकट भारी।
अजी हळका मत लीज्यो जी अजी ईनै समजो नर नारी॥
अर ज्ये नया इतिहास म नाऊं लिखाबो छावो छो।
सेवा करबो छावो छो, आगअ आवो नरनारी (2)
अजी करोनो आग्यो भारत म छाग्यो जी संकट भारी।
अजी हळका मत लीज्यो जी अजी ईनै समजो नर नारी(2)
देस क खातिर कुछ करबा को यो मोको छै भारी॥
- तरक माण्डो