घणीं चालरी घणीं बदलगी, आपणी पराणी रीत रकांन।
लगन लेर कवास जी आवै, मुखड़ा प छाती मुस्कान।
भाई सगा सन्दा ऐकटा होवै, आणंद की उड़ती घमसांण।
तेल बन्द्याक अर बन्दोरी, बन्ना बन्ना गाती नतकेइ स्याम
बिसकुट मल्या पतासा बंटता, घर बंण जातो आणंद धाम।
समता सूं लागतो नतकेइ सीगसो,
हात पगां म मेंहदी लगाती नांण।
घर घर नूतता लाडा लाडी, खाबाईं मलता फरता पकवानै।
मसकां वाळा बाजा बाजता, डेमड़ा प नंगारां की धूम धड़ाम।
बैलगाडी की पूजा करता, जवांईंजी नअ पकड़ाता लगाम।
घट्या घोड़ी बाजा की पूजा, सरदा सूं गंगाजी चरी स्नान।
माता बअण्यां रेवड़ी पूजती, बैलगाड्यां सूं जाती जान।
छोर्यां क लेकै पड़तो हथेळो, छोरां क सन्दा पटकता बांन।
खात्यां का बा तोरण बणांता, कागद की पन्यां को चतराम।
हाथी घोड़ा प्रजापतजी लाता, साराई बलावा देता नाई नांण।
अगनी की सागसी म फेरा पड़ता, अपणांता पूरा बिधि बिधान।
दो दन तांईं बरात जनवासे फेरदा करता सासरिये धाम।
- तरक माण्डो