एक बार एक बाज उडतो होयो आयो, अर रूंकड़ा की डाळ प बैठ ग्यो। ज्ये डाळ प एक स्वो पैली सूं ई बैठ्यो फळ खार्यो छो। बाज न पैली कदी कोइ क तांई फळ खातो न देख्यो छो। उनै खी अरै स्वा, म्हारै तांई थारैताई फळ खातो देखअर अचम्बो होर्यो छै। थारी चूंच घणी तेज अर मजबूत छै। थारै तो पंजा बी छै। फेर तू म्हांकी नाइ मांस अर कीड़ा मकोड़ा खावै, एक बार मास खाबो सरू करैगो तो तागतवर बण जावैगो। स्वा न ऊंकी बात सुणी, पण कांई बी जवाब न द्यो अर वांसूं उडग्यो। एक दन ऊ स्वा न ऊ बाज क तांई कबूतरा का झुण्ड क आगै पाछै चक्कर लगातो दिख्यो। कबूतरा का झुण्ड का मालिक न बाज क तांई देखल्यो, इक पैली बाज कोइ कबूतर प झपट्टो मारैर उठा ले जातो उन बाज क तांई गोळी सूं मारद्यो। अर बाज वांई ढेर होग्यो। स्वा न बच्यार कर्यो क बाज अगर फळ खातो तो आज ऊंकी या दसा न होती।
सिक्सा - जस्यो सभाव उस्या बरी।
- तरक माण्डो