एक बार एक चील एक कबूतर को पाछो करती एक सिकारी का जाळ म फसगी, चील न फड़फड़ार जाळ काटबा की कोसिस करी, पण वा जाळ न्ह काट सकी। ऊ टैम की उनै सिकारी आतो दिख्यो। वा डर क मार्यां कांप उठी। वा द्‍या की आंख्यां सूं सिकारी काडी झांकबा लागी। सीरी मान साब म्हनै थांको कदी नुकसाण न्ह कर्यो न ई आगै अस्यां करबा कोइ बच्यार छै। फेर बी थां मई क्यूं पकड़र्या छै। थांसूं बिनती छै क थां म्हारै तांई ई जाळ सूं छुटकारो दे द्‍य। चील की या बात सुणतांई सिकारी हांसबा लाग्यो अर खैबा लाग्यो क थनै म्हारै तांई कोइ नुकसाण न पोचायो। पण या बता कबूतर न थारै तांई कस्यो दुख द्‍यो छो। ये कबूतर थारै तांई कांई नकूसाण न्ह कर सकै, पण फेर बी तू ऊकतांई मारबो छारी छी। सुण चील! म्हूं थारैतांई छूटकारो न्ह दे सकूं थारै लारां ऊइ होवैगो ज्ये होणी छाइज्ये।

सिक्सा - दूसरा सूं उस्यो ई बरताव करो जस्यो थां खुद क्ले छावै छै।