एक बार एक मुरगो खाणो खाबा की तलास म अटी-ऊंटी फरर्यो छो। खाणो हेरबा कि टैम प एक कचरा का ढेर म उनै एक हीरो मल्यो। ऊ हीरा न देखर मुरगो चक्कर म पड़ग्यो। फेर उनै चूंच म पकड़र हीरा कतांई तोड़बा की सोंची, पण हीरा क गोडै जद दूसरा मुरगा बी भेळा होग्या अर टूकर टूकर ऊ हीरा न देखबा लागग्या। वामै एक दूसरो समजदार मुरगो बी छो ऊ हीरा क गोडै आयो अर द्यान सूं उनै ऊकैतांई देख्यो। इकै बादमै ऊ ग्यानी की नाइ बोल्यो- म्हारा प्यारा भाइलावो ! थां न्ह जाणै, यो हीरो बेकार को टूकड़ो छै। हीरो एक चमकणो भाटो छै। जिको आपण लेखै कांई मोल कोइनै आपण ईसूं आपणी कोइ भूख न्ह मेट सकां।
अगर यो हीरो कोइ सूनार न मल्यो होतो, तो यो ऊकै लेखै घणो लाखां को होतो। आपण क्ले ज्यार अर मक्का ई चमकणा हीरा सूं घणी बड़्या छै। या सूणतांई ऊ मुरगा न ऊ हीरो कचरा मई छोडद्यो
अर आगै खाणा की तलास म आगै बडग्यो।
सिक्सा - सन्दी चींजा सन्दा मनख क्ले मूल्यवान न्ह होवै।
- तरक माण्डो