एक हुंस्यार मनख भूख क मार्यां तड़पतो अटी-उटी खाणा की तलास म फरर्यो छो। आखरी म जद उनै खाणो न्ह मल्यो तो दूखी होर मन्दर म भगवान की मूरत क सामनै चलग्यो अर भगवान सूं बोल्यो हे भगवान मारै प द्‍या करो। अगर थां मारै तांई सो खजूर दे तो म्हूं खुद न थांकी सेवा म अरपित करद्‍यूंगु जद उन आंख्यां खोली तो सांच्‍याई म उनै ऊंकै आगै खजूरां को ढेर लाग्यो मल्‍यो। ऊ मनख घणो खुस होयो। अर खजूरां की गणती करबा लागग्यो। अर सन्दा खजूर पचास छा, उन सन्दा खजूर पेट भरैर खाल्या अर बोल्यो, “ हे भगवान! म्हारै तांई याद कोइनै छी क थानै थांखा हिस्सा का खजूर पली ई राखल्या। थां तो हस्याब कत्याब का बड़ा पक्‍का छो। अतनी सी बात खैर हुंस्यार मनख वांसूं चाल बण्यो।

सिक्सा - हुंस्यार मनख अपणी बातां का तरक सूं भगवान न बी धोखो दे द्‍य छै।