एक जंगळ म एक सादू रै छो। गांऊ का सन्दा लोगदणी अपणो दुख लेर आवै छा। अर सादू वांको समादान करै छो। एक बार एक मनख न सादू सूं पूंछी, माराज खुस रैबा को कांई राज छै। सादू न उसूं खी, तू म्हारी लारां जंगळ म चाल। गेला म सादू न एक बडो सो भाटो उठायो, अर मनख क तांई दे द्‍यो। अर खी, इन पकड़र चाल। ऊ मनख न समजमै न्ह आरी छी। क मसूं भाटो उठाबा की कस्यां खी। इमै खुस रैबा को कांई राज छै। पण मनख सादू सूं कोइ सवाल न्ह पूंछबा की बजाइ सादू की बात मानबो ई सई समज्यो। अर उनै ऊ भाटो उठायो अर चालतो र्यो। पण जद चालती टैम की घणो टैम बीतग्यो छो। अर हात को दरद सअन न होर्यो छो। तो मनख न सादू सूं बोल्यो माराज म्हूं ई भाटा को बजन न उठा सकूं।म्हारा हाता म घणो दुख होर्यो छै। सादू न खी भाटा न जमीन क तळअ मल दै। भाटो तळअ धरतांई ऊ मनख न घणो सांस मल्यो, ऊ टैम की सादू माराज न खी:- क योइ छै खुस रैबा को राज’ मनख न खी म्हूं समज्यो कोइनै माराज।

सादू बोल्यो :- जि वजै सूं ई भाटा न एक मिनट तांई हात म धरबा म दरद होवै छै। अर एक घन्टा तांई हात म धरबा म जादा दरद होवै छै। ठीक ऊंस्याई दुख को बोज आपण आपणी जिन्दगी म जादा टैम तांई राखंगा उतनांई आपण दुखी अर निरास रैवंगा।

सिक्सा-  मनख क ऊपर छै क खुद का दूख को बोज न एक मिनट तांई उठा सकै छां या सन्दी जिन्दगी
तू खुस रैबो छावै छै तो दूखी रूपी भाटा न बेगोसेक तळै धरबो सीक लै अर हो सकै तो भाटा न उठावै ई मत।