एक टैम की बात छै। गांऊ म एक खास्तगार का मन म एक क्वो खोदबा को बच्यार आयो। ऊ एक क्वो खोदबो छावअ छो। एक दन उन क्वो खोदबो सरू कर्यो। ठाम म थोड़ी खूदाई करबा क बादम बी उनै पाणी न दिख्यो तो ऊ दूखी होग्यो। फेर उनै दूसरी ठाम प खुदाई की पण पाणी कसी बी ठाम प न खड्यो। अस्या उनै छ सात ठाम प पाणी क्ले खुदाई की पण ऊंका करम म पाणी कोइनै छो। पण फेर घणो दूखी होर ज्याग का आडी आग्यो। दूसरै दन सन्दी बात एक बुढा मनख कतांई बताई। ऊ बुढा मनख न ऊकैतांई समजातो होयो बोल्यो, थनै पांच नाळी-नाळी ठाम प छ अर सात फूट का खाडा खोद्या। पण फेर बी थनै कांई हात न लाग्यो। थनै नाळी-नाळी ठाम न करैर एक ईं ठाम प खोदतो तो थनै पाणी जरूर मल जातो। थनै बस्वास सूं काम न कर्यो। अर थोड़ो-थोड़ो खोदर थनै थारो फेसलो बदलल्यो। अब तू एक ठाम प मन राखर एक ई ठाम प खाडो खोद अर ज्यांताई खोद ज्यांताई थनै पाणी न दिखअ। तू थारा काम म सफल जरूर होवैगो। ऊ दन खास्तगार न मन क तांई गाडो करैर एक बार फेर खूदाई करी। अर पच्चीस अर तीस खाडा खोदबा क बाद पाणी खड्यायो।
सिक्सा :- जद कोइ काम न पूरा मन सूं (एकाग्रता क सात कर्यो जावै तो उमै सफलता जरूर मलै छै।)
- तरक माण्डो