एक टैम प विकास नाऊ को एक सैर छो। वां’को राजो भानु छो। एक दन ऊंका मन म एक बात को बच्यार आयो। ऊ जाणबो छावै छो क जि मनख क तांई कांई न कांई जुलम की वजै सूं दण्ड द्यो जावै छै। वां गुणागारां न पछतावो होवै छै या न होवै। दूसरै दन राजो राज दरबार की जेळ म ग्यो। अर सन्दा गुनगारां सूं वानै कर्यो ग्यो जुलम का बारा म पूंछबा लाग्यो। कस्यो जुलम वानै कर्यो छै, अर इंकी वजै सूं व जेळ म छै।
एक गुणेगार न खी :- “राजा जी म्हनै तो कोइ जुलम न कर्यो, म्हूं बेकसूर छूं।“
दूसरा गुणेगार बी बोल्यो :- “माराज म्हूं बी झूंठा जुलम म पसायो ग्यो छूं।”
अस्या सन्दा गुणेगार खुद न बेकसूर बताबा लाग्या। फेर राजा न एक मनख देख्यो ज्यो माथो नीचो करैर रोर्यो छो। राजो ऊंकै गोडै जार खैबा लाग्यो। तू क्यूं रोर्यो छै। ऊ मनख न दूखी मनसूं खी। राजा जी म्हनै गरीबी सूं परेसान होर चोरी छी। म्हनै थांका न्याइ प कोइ सक कोइनै, म्हनै जुलम कर्यो छो, जीसूं म्हारै तांई दण्ड मल्यो छै। राजा न बच्यार कर्यो क दण्ड सन्दा मनख क मलाडी पछतावा को भाव पदा न करै। पण यां गुणेगारां म एक अस्यो मनख छै, ज्ये अपणी गलती को पछतावो करर्यो छै। अगर ईं मनख न दण्ड सूं छूटकारो द्यो जावै। तो यो मन क मलाडी सूं सुधर सकै छै। ईसूं राजा न ऊंकैताई जेळ सूं छूटकारो दे द्यो।
सिक्सा - सदा सांच बोलणी छाईज्ये अर सांच को सात देणी छाईज्ये।
- तरक माण्डो