एक टैम प एक देस को राजो छो। ऊ सिकार क्ले जंगळ म ग्यो। उनै जंगळ म घणी थस लागी। ऊ सिकार प जाबा क पैली अपणी लारां पाणी की तबूक भर लेजाव छो, पण आज राजो तबूक बी भूलग्यो छो। राजो जंगळ म एक क्वा क सोड़ै ग्यो। अर पाणी खाडबा की मसकत करी। राजो जस्यांइ बाल्टी पकड़बा क्ले आगै झूक्यो तो क्वा का ढाणा प लागी गरगड़ी की ऊंका हात म जा लागी अर लोई बहबा लागग्यो।
पण रोस करबा की बजाई राजा न खी:- धन्यवाद छै भगवान थारैतांई जि मनख न क्वा मसूं पाणी बी खाडणी नावै। अस्या मुरक क तांई थनै राजो बणाद्यो। या थांकी ईं द्या छै।
सिक्सा - दुख आबा प आपणै तांई घबराणी न छाईज्ये बलकी भगवान क तांई धन्यवाद देणी छाईज्ये।
- तरक माण्डो