एक राजो छो। ऊ घणो आळसी छो। ऊ सायद ई अपणा हात सूं कोइ काम करै छो। ईंको नतीजो यो होयो क ऊ बेमार रैबा लागग्यो। ऊनै राजवेद कतांई बलायो अर खी, “ म्हारै तांई निरोगी (स्वस्थ) रैबा की दवाई द्यो। अगर थानै म्हारो अलाज न कर्यो, तो म्हूं थांकी हत्या करा द्युंगु।“ राजवेद या बात जाणै छो। क
राजा की बेमारी की वजअ ऊंका आळस छा। आगलै दन, राजवेद न राजा कतांई बडो डम्बळ देर खी,
“माराज! थानै या दो जादुई गैन्दा न हात म लेर तड़कै अर स्याम, दोन्नी टैम आदा घण्टा तांई झुलाणी पड़ैगो, अर अस्यां ज्यातांई करज्यो थांकी बाया म पसीनो न्ह आजावै। इसूं थां निरोगी होज्यागा।“ राजा न अस्या नतकेइ कर्यो। राजा कतांई यो पतो कोइनै छो। क यो एक व्यायाम छै। थोड़ा दन पाछै राजो बड्या
होग्यो। अब राजा न घणी चुस्ती अर फुरती रैबा लागी। माराज जद ऊनै राजवेद ई धन्यवाद द्यो अर ऊंको अलाज को राज पूंछ्यो। राजवेद न घणी बुदिमानी सूं जवाब द्यो। माराज ज्यातांई था या गेन्दा न हिलाता रैगा, ज्यातांई ई अलाज को जादू थांकअ अदर्यास बड़्या रैवैगो। अर जि दन थानै अस्यां करबो बन्द करद्यो तो, ऊ दन सूं ई थां बेमार होज्यागा।“ राजवेद न राजा कतांई निरोगी रैबो सखा द्यो।
सिक्सा- निरोगी रैबा क्ले आळस छोडणी पड़ैगा।
- तरक माण्डो