एक ठाम प दो मैंढका छा। एक मैंढक मोटो अर दूसरो दूबळो छो। एक दन, खाणा की तलास करता होया दोन्नी दूद का एक डब्बा म गरग्या। डब्बा का कनारा दूद की मार्या घणा चीकणा छा। जिसूं वै डब्बा क बारै न खडपार्या छा। ईसूं वै बरतन म ई तैरता र्या। जद मोटो मैंढको दूबळा मैंढक सूं बोल्यो, “ भाई दूद म तैरबा म कांई फाईदो कोइनै। आपण बस डूबबाळा छां। बड़्या बात छै क आपण हार मानल्यां। दूबळा मैंढका न जवाब द्यो, “ रूको भाई! हाल तैरता रां। कोइ न कोइ आपण कतांई जरूर बारै खाड देगो। अर घणा घंटा डब्बा म तैरता र्या। थोड़ी टैम क बादमै, मोटो मैंढक बोल्यो, भाई कोई फाईदो कोइनै म्हूं अब घणो थाकग्यो छूं। म्हूं तैर्यो न जावै म्हूं डूबबाळो छूं। ईकै अलावा कोइ गेलो कोइनै। यां आपणी मदत क्ले कोइ बी न आबाळो।“ पण दूबळो मेंढक बोलतोर्यो क कोसिस करतो रै तैरतो रै। कांई न कांई जरूर होवैगो। थोड़ा घंटा फेर बीतग्या मोटो मैंढक खबा लाग्यो अब म्हूं ओर न तैर सकूं, तैरबा रबा म कांई समजदारी कोइनै क्यूंकी आपण हर हाल म डुबबाळा छां। ईसूं कांई फाईदो कोइनै“ अस्या कैर मोटो मैंढको रूकग्यो। ऊनै तैरबो बन्द कर द्यो। अर दूद म डूबग्यो। पण दूबळो मैंढक हिम्मत करैर तरतो र्यो। दस मिनट बादमै दूबळा मेंढका न अपणा पगा क तळै
सख्त चीज मैसूंस होइ। ऊका अठपैर तैरबा रैबा सूं दूद मथर लूण्यो बणग्यो। ऊ लूण्यो का ढेर प चढअर अर वां सूं आसानी सूं कूदर बरतन क बारै खड्यायो।
सिक्सा- आस को सात कदी न छोडणी छाईज्ये।
- तरक माण्डो