एक बार की एक बात छै। एक राजा क गोडै एक बडो रूपाळो माळ छो। अर माळ म बडी रूपाळी एक बगीची छी। ऊ रूपाळी बगीची को एक माळी छो ज्ये रूकाळी करै छो। अर बगीची म एक अंगूर की बेळ छी। माळी ज्ये बी छो ऊ ई, बात सूं परेसान छो। क अंगूरा की बेल प नतकेइ एक चड़ी आर धावो बोलै छै। अर असी तरै सूं धावो बोलै छी जिसूं सन्दा मीठा-मीठा अंगूर छा वानै वा खा ले छी। अर ज्ये आदापक्या छा वानै वा जमी प तोड़र गरा देवै छी। माळी ई बात सूं घणो परेसान चालर्यो छो। ई अंगूरा का बेल न या चड़ी बरबाद कर देगी ऊनै घणी कोसिस करी पण ऊंको कोइ उपाई न मल्यो। ऊ राजा क गोडै ग्यो अर खी मालिक हुकम थां कांई बी करो मैसूं कांई न होर्यो। अंगूरां की बेळ खदी बी खतम हो सकै छै। राजा जी न खी थां चन्ता मत करो थांको काम म्हूं करूंगु । आगलै दन राजा जी बगीची म जा पोछ्‍या खुद अर अंगूरां की बेळ क पाछै छपग्या अर जस्यां ई चड़ी आई राजा न फूरती दखार चड़ी कतांई पकड़ल्यो। जस्यां ई चड़ी कतांई पकड़्यो चड़ी न राजा जी सूं खी राजा जी म्हनै माफ करद्‍यो म्हनै मत मारो म्हूं थानै च्यार ग्यान की बाता बताऊं राजो घणो गुस्सा म छो। राजा न खी पैली बात बता चड़ी न खी अपणा हात म आया बरी न कदी जाबा न दे। राजा न खी दूसरी बात बता चड़ी न खी असम्भव बात प बस्वास न करै।

राजा न खी घणो होग्यो थारो डरामो तीसरी बात बता चड़ी न खी। बीती बात प पछतावो न्ह करै। राजा न खी चोथी बात बता अर अब थारो खेल खतम करूं छूं, घणी देर सूं परेसान कर रख्यो छै। चड़ी न खी थानै जि तरै सूं म्हूं पकड़ मैली छूं मनै सांस बी न आरी थां म्हारै तांई थोड़ी ढील देगा तो म्हूं थानै चोथी बात बता पाऊं राजा जी न हळ्की सी ढील दी। अर चड़ी उडर डाळ प बैठगी। चड़ी न खी क म्हारै पेट म दो हीरा छै या सूणर राजो पछतावो करबा लाग्यो अर दुखी होग्यो। अर राजा की या सकल देखैर चड़ी बोली राजा जी म्हनै थांकै तांई आबाणूं च्यार ग्यान की बात बताई छी। पैली बात बताई छी क कदी बी बरी हात आबा क बाद छोडै कोइनै थानै हात म आया बरी मल्लब म्हारै तांई छोड़द्‍यो। दूसरी बात असम्भव बात प बस्वास न्ह करै वा थान बस्वास करल्यो म्हारै छोटा सा पेट म दो हीरा छै। अर तीसरी बात बताई छी क बीती बात प पछतावो न्ह करै। अर थां दूखी होर्या छै थां पछतावो करर्या छै। ऊ चड़ी राजा जी न आपण सन्दा कतांई बी या बात बताई छै। आपण सन्दा ज्ये बीत

चूक्यो होवै ऊपै घणी बार पछतावो करता रैवै छां। सन्दा बीत्या टैम म रैवां छा। अर आगै टैम का बारां म बच्यार न करां , ज्ये टैम चालर्यो छै ऊमै रैबो सरू करां। आगै का टअम को बारां म बच्यार करां अपणा सपना का बारां म बच्यार करां, जिन्दगी ज्ये होग्यो वै थांको ऊपै पकड़ कोइनै पण ज्ये होवै

गो ऊनै थां बदल सकै छै।