एक बार एक गांऊ म एक निसा नाऊं की एक छोरी छी। वा भीख मांगर अपणो गुजारो करै छी। एक दन एक ओरत ऊंकैतांई भीख का बदला म फूलां का थोड़ा पोदा देर ऊसूं खी, “तू या पोदा अर बीजा कतांई ज्याग का आंगणा म बोज्ये तो थारैतांई कदी भीख मांगबा की जूरत न पड़ैगी।“ निसा क कांई समज म यो न्ह आर्यो छो। पण ऊनै ओरत की खबा सूं वां पोदा अर बीजा कतांई अपणी ज्याग का आंगणा म बोद्‍या। लारां ई ऊनै

पोदा की देखभाळ सरू कर दी। वा नतकेइ वानै पाणी देवै। थोड़ा दना बाद ऊंकी ज्याग मअ च्यारूमेर रूपाळा-रूपाळा पसप खिलग्या। एक दन एक लुगाई न वा पसपा कतांई देख्यो। अर वा फूला न लेबा कतांई ऊकै गोडै आई। निसा न थोड़ा पसप तोड़्या अर ऊ लुगाई कतांई बेचद्‍या। अर अब निसा ज्याग ज्याग न जार पसप बेचबा लागगी। जिसूं ऊंको जीवन सुदरबा लागग्यो अर ऊनै भीख मांगबो छोडद्‍यो। बेगासाक थोड़ा थोड़ा मनख ऊंका गराक बणग्या। ऊनै थोड़ा पीसा बचार बजार म एक छोटी सी दुकान खोली। वां घणा मनख पसप लेबा आवै छा। निसा अपणी तरक्‍की क्ले ऊ द्‍या हाळी ओरत को मन ई मन धन्यवाद दे री छी। जिनै ऊंकैतांई हरो सोनो द्‍यो।