जिन्दगी म घणा मोका (अवसर) अस्या आवै छै। जद आपण बुरा हालात को सामनो करर्या हो वां छा। अर बच्यार कर्या होवै कि कांई कर्यो जा सकै छै। क्यूंकी अतनो बेगोसोक तो कांई बी बदलबा की आस कोइनै पण कांई पतो म्हारो यो जरासो बदलाऊ थोड़ो उलटफेर लेर आवैगो या न आवै पण म्हूं थानै बताद्‍यूं सन्दी चीज की सरूआत सादा ढंग सूं होवै छै। घणी बार जीत आपण थोड़ा ई कदम दूर रैवै छै। पण आपण हार मानल्यां छा। पण जद आपणी योग्यता प बस्वास राखर कर्यो जाबाळो कोइ बी बदलाऊ फोरो न होवै अर आपणी जिन्दगी म एक नीम को भाटो बी साबित हो सकै छै। चालो एक ख्‍यांणी पढ़ा छां। आपण न समजबा म घणो सीदो रैवैगो। एक जरासो बदलाऊ कतनो काम को होवै छै। एक छोरो तड़कै तड़कै दोड़बा जावै छो। आती जाती टैम एक बूढी बाई न देखै छो। वा बूढी बाई तळाऊ क कनारै फोरा-फोरा खापच्यां का मोरां न साफ करै छी। एक दन ऊ छोरा न, ई बात की पाछै की वजअ जाणबा को बच्यार कर्यो। ऊ छोरो बूढी बाई क गोडै ग्यो अर बोल्यो“ राम-राम बाई ! म्हूं थानै सदा या खापच्या का मोरां न साफ करतो देखूं छूं। तू अस्या कसी वजअ सूं करै छै? बाई न ऊ भोळा छोरा कतांई देख्यो अर जवाब द‍्यो म्हूं दीतवार न यां आऊं छूं अर या खापच्यां का मोरां न साफ करबा सूं म्हारै तांई सकून मलै छै, क्यूंकी यांका मोरां प ज्ये कवच होवै छै ऊपै जमबा की वजअ सूं यांकी गरमी पदा करबा की दम कम हो जावै छै। इसूं ये कापच्यां न तरबा म दिक्‍कत आवै छै। थोड़ी टैम बादतांई बी अस्यो ई रैवै तो ये कदी बी नरम पड़ जावै छै। जिसूं कवच न साफ करूं छूं। या सूणर छोरो घणो हेरान छो। ऊनै फेर सूं एक जाण्यो पछाण्यो सवाल कर्यो, अर बोल्यो थां घणो बड्‍या काम करर्या छो। पण फेर बी बाई एक बात प बच्यार करो या जस्या घणा ई खापच्या छै ज्ये यासूं बी घणी बरी दसा म छै। जद बी थां सन्दा क्ले ये सब न कर सकै तो वांको कांई क्यूंकी थांका अकेला का बदलबा सूं कोइ फरक न आवैगो। ओरत न छोटो पण पता को जवाब द्‍यो। भलाई म्हारो ई काम सूं सन्दा मलक म कांई बदलाऊ न आवैगो पण बच्यार करो ई एक कापच्या की जिन्दगी म बदलाऊ तो आवैगो न। तो आपण एक फोरा बदलाऊ सूं ई सरूआत करां।