घणी पराणी टैम की बात छै। मिसर देस को एक राजो छो। जिपै भगवान खुस होग्या। अर ऊकै गोडै आया। अर ऊकैतांई अन्याम म एक चमत्कारी तलवार दी अर ऊसूं बोल्या क जावो अर सन्दा मलक म जीत ल्यो। ई प राजा न एक सवाल कर्यो क “  भगवान थां बी कमाल करै छै म्हारै तांई कसी बी चीज की कमी कोइन ज्ये म्हूं सन्दा मलक न जीतू।“ ईपै भगवान न ऊकतांई एक अप्सरा देर खी“ ये लो म्हूं थारैतांई थारै लारां रैबाळी एक रूपाळी एक अप्सरा द्‍यूं छूं। ईपै राजा न खी म्हारै तांई या अप्सरा बी न छावै थांकै गोडै ईसूं कोइ बड़्‍या होवै ज्ये बतावो। भगवान बच्यार म पड़ग्या अर कैबा लाग्या सन्दा मनख तो ये पाबा क्ले मैन्त करै छै। अर म्हूं थारैतांई कुसी सूं अतनो देर्यो छूं फेर बी तु नटर्यो छै। म्हूं थारैतांई कसी चीज को बन्दोबस्त करूं ज्ये थारै तांई पसन्द होवै। राजा न भगवान सूं खी। भगवान जरासो बच्यार करो। अगर म्हूं तलवार न अपणाऊं तो बी ऊंकी धार बी एक न एक दन चली जावैगी। अर म्हूं कस्यो जनमा जनमा तांई रबा हाळो छूं। अर म्हूं अप्सरा कतांई आरी भरूं छूं तो ऊंको रूप बी अतनो रूपाळो थोड़ी छै। अर जद पारसमणि न अपणाऊं छूं पीस्सो बी मुक्‍ति को गेलो कोइनै तो म्हूं असी काईमी मनसा राखूं अर फेर राजा न खी परकरति की सुन्दरता क्ले देवता बी धरती प फरै छै। ईसूं थां म्हारै तांई यो फूल को पोदो दे दी ज्यो। म्हूं ईनै बडो होतांई अर इमै पसप खिल्या होया देखुंगु इसूं रूपाळी बात म्हारै लेकै कांई न हो सकै।