एक बार एक खास्तकार की घड़ी गमगी। ज्याग म च्यारू आडी हेरबा सूं अर घणी कोसिस क पाछै बी घड़ी न मली। ऊनै बच्यार बणायो क ई काम म म्हूं बाळकां को सायरो ल्यूं छूं। ऊनै सन्दा छोरा-छोर्या कतांई बलायो अर खी क ज्ये बी म्हारी घड़ी हेर लेगो ऊकैतांई म्हूं पांच सो रप्या अन्याम म द्‍यूंगु। बाळकां क घणी टैम तांई हेरबा प बी घड़ी न मली अर सन्दा दुखी होग्या। ऊ टैम की एक बाळक ऊकै गोडै आयो अर बोल्यो, काका म्हारै तांई एक मोको ओर द्‍यो यो काम म्हूं ऐकलो ई करबो छाऊं छूं। बाळक एक-एक करैर एक घर म जाबा लाग्यो। जद ऊ खास्तकार का घर मैसूं खड्‍यो तो वां घड़ी ऊंका हात म छी। खास्तकार सोना की घड़ी देखर घणो खुस होयो। अचम्भो होर बोल्यो क बेटा खां छी या घड़ी? बाळक बोल्यो, म्हनै तो कांई न छानमुन घर म ग्यो अर छानमुन एक ठाम प बअठ ग्यो। अर घड़ी की अवाज प ध्यान देबा लाग्यो। घर म सान्ति होबा सूं म्हारै तांई घड़ी की टिक-टिक को आट आयो। अर म्हनै घड़ी हेरली। जस्यां सान्ति सूं घड़ी हेरबा म मदतगार खडी। उस्या मन की सान्ति बी जरूरी चींजा हेरबा म मदतगार रैवै छै।