एक टैम की बात छै। एक रूंकड़ा की एक डाळ प एक कागलो बैठ्‍यो छो। ऊकी चूंच म एक रोटी को टूकड़ो छो। ऊ रूंकड़ा क तळअ एक हूंस्यार लोमड़ी फररी छी। वा घणी भुखी छी। उनै ऊ रूंकड़ा प कागलो दिख्यो, ऊंकी चूंच म उनै रोटी को टुकड़ो दिख्यो। वा ऊ टूकड़ा न लेबा की छाव छी। हूंस्यार लोमड़ी न एक उपाई सोच्यों। वा कागला सूं बातां करबा लागी। बाताई-बातां म कागला की बड़ाई करबा लागी। क तू कतनो बड़्‍या पकसी छै, अर थारी आवाज घणी बड़या छै। तो कागलो ऊकी बड़ाई सूणर घणो खुस नजर आर्यो छो। ऊई टैम लोमड़ी न उसूं एक बात खी। क थारी बड़्‍या आवाज सूं तू मारैतांई एक बड़या गाणो सूणा तो मुरख कागला न ऊकी बात मान ली। अर उनै जस्यांई गाणो सूणाबा क लेक ऊंकी चूंच खोली तो ऊकी चूंच मसूं ऊ रोटी को टूकड़ो जमीन क तळअ गरग्यो। अर लोमड़ी न रोटी को टूकड़ो गरतांई लेर भागगी। अर कागला ऊकताई देखतोइ रैग्यो अर उनै ऊंकी मुरखता प घणो पछतायो।