1. चोदवी को चन्दरमा होबो।
अर्थ = सुंदर होना
वाक्य में प्रयोग :- वा सुनिता चोदवी का चन्दरमा की नाइ लागअ छअ।
2. चोकड़ी भरबो।
अर्थ = छलांगे लगाना
वाक्य में प्रयोग :- हरण चोकड़ी भरतांई कांसूं कां पूग जावअ छअ।
3.चोटी को पसीनो एडी तांइ आबो।
अर्थ = बहुत परिश्रम करना
वाक्य में प्रयोग :- पीसा कमाबा मअ चोटी को पसीनो एडी तांई आज्या छअ।
4.चोटी हात मअ होबो।
अर्थ = वश मे होना
वाक्य में प्रयोग :- तूं कांई बोलअगो ऊंकी तो चोटी ईं नरेस का हात मअ छअ। उ कअगो जद ई काम होवअ गो।
5.च्यार चान्द लगाबो।
अर्थ = शोभा बढ़ाना
वाक्य में प्रयोग :- म्हारा ब्याव मअ आर म्हारा ओपिस का करमचार्यां नअ च्यार चान्द लगाद्या।
6. खूंटी ताणर सोबो।
अर्थ = बेफिकर होकर सोनो
वाक्य में प्रयोग :- रादेस्याम को सन्दो करजो चुकतांई नतकेई खूंटी ताणर सोव छअ।
7.चान्दी होबो।
अर्थ = लाभ होना
वाक्य में प्रयोग :- परेम कअ ई धंधा मअ चान्दी ई चान्दी होरी छअ।
8.चान्दी को जूतो मारबो।
अर्थ = रिश्वत देना
वाक्य में प्रयोग :- ई मलक मअ जिकअ चान्दी को जूतो पड़अ छअ ऊई गुलाम बण जावअ छअ।
9.चालती घट्टी मअ रोड़ो अटकाबो।
अर्थ = बाधा उत्त्पन्न करना
वाक्य में प्रयोग :- राजू ग्यो तो काम करबा छो, पण गेला मअ दुरघटना होबा सूं चालती घट्टी मअ रोड़ो अटग्यो।
10. हात मसळतो रअबो।
अर्थ = पश्चात्ताप होना।
वाक्य मे प्रयोग :- चन्दरमोन नअ पअली तो पढाई नअ करी, अर अब फअल होग्यो ज्ये हात मसळर्यो छअ।
11. हात पीळा करबो।
अर्थ = विवाह करना।
वाक्य मे प्रयोग :- कमला को लोग मर्या पाछअ घणी दिक्कत सूं उनअ ऊंकी छोरी को ब्याव करायो।
12. हात पअ हात धरअर बअठबो।
अर्थ = निष्प्रयत्न, निष्क्रिय होना
वाक्य मे प्रयोग :- हात पअ हात धरअर बअठबा सूं कोइ दिक्कत को समादान नअ होवअ कांई नअ कांइ तो करणी पड़अ छअ।
13. हात का स्वा उडबो।
अर्थ = अचानक किसी अनिष्ट के कारण स्तब्ध रह जाना।
वाक्य मे प्रयोग :- अपणा छोरा की दूरघटना मअ मरबा की खबर सूणतांई गिरदर का तो हात का स्वाई उडग्या।
14. सरी गणेस करबो।
अर्थ = कार्य आरम्भ करना
वाक्य मे प्रयोग :- परेम नअ मुकेस सूं खी कअ ईं बड़्या काम को सरी गणेस बेगासाक कर देणी छाईज्ये।
15. माथो धोळो होबो।
अर्थ = बुढापा आना
वाक्य मे प्रयोग :- रादेस्याम को माथो सन्दो धोळो होग्यो, उमर बी होगी अर बुढापो बी आग्यो।
16. माभारत मचाबो।
अर्थ = खूब लड़ाइ-झगड़ा करना।
वाक्य मे प्रयोग :- सोनू अर मोनू दोन्नी तड़का सूं माभारत मचार्या छअ।
17. भूत बणर लागबो।
अर्थ = पीछे पड़जाना
वाक्य मे प्रयोग :- जीतू तो म्हारअ पाछअ भूत बणर लागग्यो छोड़बा का नाउ ई नअ ले।
18. भूत उतरबो।
अर्थ = क्रोध शांत होना
वाक्य मे प्रयोग :- उसूं कांई मत खो, जद भूत उतर ज्यागो अपनाप ई छानमून होज्यागो।
19. भाड़ा का टट्टू।
अर्थ = किराया का आदमी
वाक्य मे प्रयोग :- अस्या का काम भाड़ा का मअनत्यां सूं नअ होवअ। खूद नअ मअन्त करणी पड़अ छअ।
20. भगवान को प्यारो होबो।
अर्थ = मर जाना
वाक्य मे प्रयोग :- सुरेस का नानाजी काल भगवान नअ प्यारा होग्या।
21. कन्ड्या हात को खेल।
अर्थ = बहुत सुगम कार्य
वाक्य मे प्रयोग :- रामू नअ खी, कबड्डी मअ जीतबो तो म्हारो कन्ड्या हात को खेल छअ।
22.झण्डी बताबो।
अर्थ = स्वीकृति देना
वाक्य मे प्रयोग :- रअलगाड़ी का करमचारी नअ झण्डी दखार मालगाड़ी पास करादी।
23. जअर की गांठ।
अर्थ = बुरा या दुष्ट व्यक्ति
वाक्य मे प्रयोग :- परमोद जअर की गांठ छअ, उसूं यारी छोकी कोइनअ।
24. जबान पअ ताळो लगाबो।
अर्थ = चुप रहने पर विवश करना
वाक्य मे प्रयोग :- सरकार जद बी छावअ जद पतरकार पअ ताळो लगा सकअ छअ।
25. ज्यान खाबो।
अर्थ = तंग करना
वाक्य मे प्रयोग :- अरअ भाइ, क्यूं म्हारी जान खार्यो छअ थारअ तांई देबा मअ मारअ गोडअ कांई कोइनअ।
26. छी छी करबो।
अर्थ = घृणा प्रकट करना।
वाक्य मे प्रयोग :- थारा काळा कारनामा की बजअ सूं मनक थारी छी छी करर्या छअ।
27. छुट्टी पाबो।
अर्थ = झंझट या अपने कर्तव्य से मुक्ति पाना।
वाक्य मे प्रयोग :- रामपाल अपणी इकलोती छोरी को ब्याव करअर छूट्टी पाग्यो।
28. च्यार सो बीस होबो।
अर्थ = कपटी एंव धूर्त व्यक्ति
वाक्य मे प्रयोग :- मुन्नो च्यार सो बीस हाळो मनक छअ, उसूं दूर रअबो ई छोको छअ।
29. पो फाटअबो। (बागपाट्यो)
अर्थ = प्रात: काल होना
वाक्य प्रयोग:- पो फाटतांई भाईजी माळ मअ खडग्या।
30. पीसा डूबबो।
अर्थ = हानि होना
वाक्य प्रयोग:- राजू नअ काम धन्दा सरू कर्यो तो उधारी मअ घणा पीसा डूबग्या।
31. पग फलार सोबो
अर्थ = निश्चित रहना।
वाक्य प्रयोग:- रादेस्याम नअ परकास सूं खी कअ छोरी को ब्याव होज्या फेर पग फलार सोऊंगु।
32. एक ठाम पअ पग नअ टकबो।
अर्थ = स्थायी रूप से कुछ समय भी न रहना
वाक्य प्रयोग:- भवानीसंकर का बी एक ठाम पअ पग नअ टकअ।
33. पेट मअ बळ पड़बो।
अर्थ = इतना हंसना की पेट दुखने लगना।
वाक्य प्रयोग:- आज सन्दा मनक्या नअ अतना चूटकला सुणाया वानअ सूणर सन्दा मनक्यां कअ हांस-हांसर पेट मअ बळ पड़ग्यो।
34. पूरो नअ पड़बो।
अर्थ = कमी पड़ना
वाक्य प्रयोग:- काल रात पावणा जादा आग्या ज्ये खाणो बणायो छो ऊ थोड़ो पड़ग्यो।
35. पुरजा ढीला पड़बो।
अर्थ = व्यक्ति का सनकी हो जाना
वाक्य प्रयोग:- चन्दरमोन का तो पुरजा ढीला पड़ग्या सूं उनअ पतो ई नअ चाल्यो कांई बोलर्यो छअ।
36. पासो पअलटबो।
अर्थ = स्थित उलट जाना
वाक्य प्रयोग:- कांई कर्यो जावअ पासो ई पअटग्यो बच्यार कांई कर्यो छो अर कांई होग्या।
37. पाळअ पड़बो।
अर्थ = वास्ता पड़ना
वाक्य प्रयोग:- म्हारअ पाळअ नअ पड़्यो नअ तो होस ठखाणअ लगाद्य तो।
38. पाणी कि नाइ रप्या ब्वाबो।
अर्थ = अन्धाधुन्ध खर्च करना
वाक्य प्रयोग – सेठजी नअ सेठाणी कअ अलाज मअ पाणी की नाइ रप्या ब्वाया छअ।
39. पग मअ मअन्दी लागबो।
अर्थ = कहीं जाने में अशक्त होना।
वाक्य प्रयोग:- रामचरण जी बरजेस सूं खी कअ थारअ पगा मअ मअन्दी लागरी छअ कअ ज्ये तू स्याग लेबा नअ जा सकअ।
40. पगा मअ बेड़्या पड़बो।
अर्थ = स्वतंत्रता नष्ट हो जाना
वाक्य प्रयोग:- सरीता को ब्याव कांई होयो, पगा मअ बेड़्या पड़गी। ऊंका सास-ससूर वानअ खां बी जादा आबा-जाबा नअ दे।
41.पग पड़बो।
अर्थ = बहुत अनुनय-विनय करना
वाक्य प्रयोग:- छोरा सूं मारसाब नाराज होतांई छोरो मारसाब कअ पगा पड़ग्यो वांई मनाबा क्ले।
42.पल्लो पकड़बो।
अर्थ = आश्रय लेना
वाक्य प्रयोग:- जद पल्लो पकड़्यो छअ तो सात बी देणी पड़गो।
43. पर काटबो।
अर्थ = अशक्त हो जाना
वाक्य प्रयोग:- ई छोरा का पर काटणी पड़गा यो ज्यादा ई बक-बक करबा लागर्यो छअ।
44 गेलो देखबो।
अर्थ = प्रतीक्षा करना
वाक्य प्रयोग:- गोप्यां गेलो देखती री पण करसण भगवान कदी दूबारा नअ आया।
45. ज्यान सूं खेलबो।
अर्थ = जान जोखिम में डालना
वाक्य प्रयोग:- आचार्य जी डूबती छोरी कअ तांई बचाबा क्ले अपणी ज्यान सूं खेलग्या।
46. पग धोर पीबो।
अर्थ = अत्यन्त सेवा-शुश्रुषा और सत्कार करना
वाक्य प्रयोग:- रमा अपणी सासु मां का पग धोर पिवअ छअ।
47. भाटा को कळेजो होबो।
अर्थ = कठोर ह्रदय वाला व्यक्ति
वाक्य प्रयोग:- सेर सिंह को भाटा को कळेजो छअ, ऊंका माइ-बाप मरबा पअ बी ऊंकी आख्यां मअ आसूं नाया।
48. पट्टी पढाबो।
अर्थ = गलत सलाह देना
वाक्य प्रयोग:- रादेस्याम की लुगाइ रादेस्याम नअ गलत पट्टी पढावअ छअ। जीसूं ऊंकी ज्याग मअ सान्ति रअ वअ ई कोइनअ।
49. छाया सूं बी डरबो।
अर्थ = बहुत डरना
वाक्य प्रयोग:- राजू तो ऊंका भाईजी की छाया सूं बी डरअ छअ।
50. चन्दरमा पअ थूकबो।
अर्थ = व्यर्थ कलंक लगना
वाक्य प्रयोग:- गांधी जी क्लें असी बात करअर तू चान्द पअ तू थूकबा की कोसिस करर्यो छअ।
- तरक माण्डो