साजन म्हारअ बी लेआओ ब्रेजा कार
है साजन म्हारअ बी ले आओ ब्रेजा कार
बातां तो बअठ कार मअ करूं………2
म्हारे सागे बणी मेडमा सब कारां जीबा ले आई।
सरम घणी आवे जी साजन म्हनअ यूं खअ बतळाई॥
म्हारी बात तो मानो जी भरतार………॥
बातां तो बअठ कार मअ करूं साजन…………………………॥

म्हारी सगली सन्दी सहेलियां हंस हंस कर बतलावअ।
बअठकार मअ सामअ आवअजी देख-देख इतरावअ॥
म्हारा जीया मअ बअजाव जी कटार……॥
बातां तो बअठ कार मअ करूं साजन…………………………॥

गरमी मअ न्ह गरमी लागअ स्याळां मअ न स्याळो।
कलर कार को अस्यो लाज्यो, दिखअ घणो रूपाळो॥
अजी काळा कांच तो लगा लेंगा सोरम जार……॥
बातां तो बअठ कार मअ करूं साजन…………………………॥

डिजल तेल की छोडो जी बातां, नतकअ चालंगा कोटअ।
घर मअ सलेण्डर च्यार धर्या छ कोइनअ कांई को टोटो॥
म्हारी तनखा सूं भरवालिज्यो गेस जार……॥
बातां तो बअठ कार मअ करूं साजन…………………………॥

बार थ्वार सादी ब्याव मअ बअठ कार मअ जावां।
छोरा-छोरी संग आपणअ, बअठ-बअठ सुख पावां॥
अजी फोटू सेलफी ले लूंगी थांकी लार………॥
बातां तो बअठ कार मअ करूं साजन…………………………॥