एक बार एक गांऊ म एक दन घणी आग लागगी। सन्दा मनख ऊंइ बझाबा म लागग्‍या। वां एक चड़ी चूंच म पाणी भरै अर ऊ आग म पटक जावै। बार-बार जावै अर पाणी लेर आवै। अर उम पटक जावै। एक कागलो ऊ चड़ी न देकैर्यो छो। अतनाक म कागलो बोल्यो, अरी बावळी तसूं या आग थोड़ी बझगी तू कतनी ई मैन्त करलअ भलाई सूं। फेर चड़ी न खी। म्हन याद छै मसूं या आग न बझअ पण कदी बी ई आग की बात होवैगी। तो म्हारो नाम बी आवैगो बझाबा म। अर थारो नाम बी आवगो पण तमासा देखबा हाळा म। अब देखणो यो छै क आपण किम आवां छा। घणी बार आपण यो बच्यार करैर रजावा छां। क मारै एकला का करबा सूं कांइ होवैगो। पण आपणो ई बात क लेक गलत बच्यार छै। क्यूंकी जदबी कोई बी बडो काम होबा क पली ऊंकी सरुवात फोरा काम सूं ई होवै छै।