एक हुंस्यार मनक भूख की मार्यां तड़पतो अटी-उटी रोटी की तलास मअ फरर्यो छो। आखरी मअ जद उनअ रोटी नअ मअली तो दूखी होर मन्दर मअ भगवान की मूरत कअ सामनअ चलग्यो अर भगवान सूं बोल्यो हे भगवान मारअ पअ द्‍या करो। अगर थां मारअ तांई सो खजूर दे तो म्हूं खुद नअ थांकी सेवा मअ अरपित करद्‍यूंगु। जद उनअ आख्यां खोली तो सांच्‍यांई मअ उनअ ऊकअ आगअ खजूरां को ढेर लाग्यो मल्‍यो। ऊ मनक घणो खुस होयो। अर खजूरां की गणती करबा लागग्यो। अर सन्दा पचास छा, उनअ सन्दा खजूर पेट भरअर खाल्या अर बोल्यो, “ हे भगवान! म्हारअ तांई याद कोइनअ छी कअ थानअ थांकी पांति का खजूर पअली ई राखल्या होगा। थां तो हस्याब कत्याब का बड़ा पक्‍का छो। अतनी सी बात खअर हुंस्यार मनक वांसूं चाल बण्यो।

सिक्सा - हुंस्यार मनक अपणी बातां का तरक सूं भगवान नअ बी दोको दे द्‍य छअ।