एक बार एक बल्ली छी। बल्ली नअ एक बार एक छोरा सूं परेम होग्यो। वा बल्ली उसूं ब्याव करबो छावअ छी।
पण एक बल्ली होबा की वजअ सूं एक मनक सूं सादी नअ कर सकअ छी। ईसूं उनअ एक दन भगवान सूं पराथना करी, “ भगवान म्हारअ तांई एक रूपाळी छोरी बणादअ जीसूं म्हूं ऊ रूपाळा छोरा सूं सादी कर सकूं।“ भगवान नअ ऊ बल्ली की पराथना सुणर ऊकअतांई एक रूपाळी छोरी बणादी। छोरी नअ छोरा सूं परेम की अरज करी अर ब्याव की बात राखी। अर बेगी ई दोन्या नअ ब्याव करल्यो। आगलअ दन वअ दोन्‍नी अपणी ज्याग का घर मअ बअठ्‍या छा।
या सोचर भगवान नअ सोंची ,‘ जरा देखूं कअ छोरी मअ बण्या पाछअ बल्ली नअ अपणा लखण बदल्या या नअ बदल्या। या सोचर भगवान नअ वांका घर मअ ऊन्दरो खनाद्‍यो। छोरी नअ ऊ ऊन्दरो देख्यो। अर जट सूं उनअ ऊ ऊन्दराई झपटबा दोड़ी। या देखर भगवान नअ ऊ छोरी ई पाछी बल्ली बणादी। अर बच्यार करबा लाग्या। म्हूं तो बिसर ई ग्यो छो। कअ कस्यो बी डील अर लत्‍ता बदलबा सूं ऊंकी चाल चलण नअ बदलअ।