एक जंगळ मअ एक समी नाऊं को रूंकड़ो छो। ऊंकी लम्बी साखा मअ चटक नांऊ की एक चड़ी नअ एक घूसाळो बणा मअल्यो छो। जाड़ा का मोसम मअ वां बरखा होबा लागी। सेळी बाळ बायरा सूं ठण्ड बडगी। जद ई एक ठण्ड सूं धूंजतो एक बान्दरो वां समी का रूंकड़ा की छाया मअ आर बअठ्‍यो। चटक चड़ी नअ खी–‘ अरअ भाई थारो आकार तो मनक की नाई छअ मनक की नाई हात पग बी छअ, फेर बी ठण्ड सूं कस्यां अतनो कांपर्यो छअ? थारअ रअबा कअतांई ज्याग क्यूं नअ बणाली?‘ या सूणर बान्दरा कअ रोस आग्यो। अरअ ओई चूं-चूं की बच्‍ची! तू छानमून क्यूं नअ बअठी रअ। नकटपणो कांईमी कररी छअ। मजाक उड़ावअ छअ म्हारो?  छानमून पड़ी रअ। म्हारी फखर मत कर। जद चटक चड़ी फेर बी नअ मानी। अर अपणा घूसाळा मअ बअठर अपणी बात फेर दोबारा- दोबारा लागी, तो बान्दरा नअ चढ़अर समी रूंकड़ा पअ बण्यो घूसाळो बगाड़द्‍यो। या ख्‍यांणी सूणर करकट नअ दमनकअ सूं खी-‘ तू बी अस्यो ई मुरख छअ। थारअ नसीयत देबा सूं कांई फाईदो दुस्ट मनक अपणा बिनास सूं उतनो ई दुखी नअ होवअ जतनो दूसरा का सुख सूं होवअ छअ। दोया मअ सोभाउ को चलण छअ। धरम बुद्‍दी अर पापबुद्‍दी को म्हुं सदा ई जाणु छूं। वांमअ पापबुद्‍दी नअ अपणा बाप ई मार द्‍यो छो।