एक गांऊ क सायरै एक गांऊ छो। ज्यांका खेता म बड़्‍या खेती बाड़ी (सोनो) पदा होवै छी। टमेटर की खेती तो अतनी बड़्या होवै छी। क दो रप्‍या सेर टमेटर मलै छा। सतयुग म नारद जी जद चाव्ह छा। वां पूग जावै छा। अर व्ह खबरी को काम करै छा। सन्दी ठाम प खबर पूगा दे छा। एक सैर म स्याग लेबो अर बेचबो बन्द होग्यो। अर स्याग का भाव बड़ग्या। अर टमाटर, जी गांऊ मसूं आवै छा। वां गांऊ की पळिया बी टूटगी छी। जीसूं टमेटर का भाव बढग्या। अर चो

सो घण्‍टा समचार चालबा हाळा चेनलां सूं खबर मली। पतरकार मर्च मसालो लगार ई खबर ई सूणाबा लाग्या। कांई थां ई दन को बाटनाळबो छोको छै क। कांई थांक छोका दन आग्या क। आलू अर कान्‍दा क पाछै टमेटर गुस्सा सूं राता पीळा होग्या। ई खबर सूं जि मनख्‍यां क गोडै टमेटर छा। वान टमेटर दबा द्‍या। अर टमेटरां का भाव ओर बड़बा लागग्या। ज्या गांऊ म टमेटरां को भाव दो रप्या सेर रै छा। वां बी टमेटरां की काळाबजारी होबा लागगी। धन्य छै समचार म खबरां देबा हाळो। इन तो टमेटरां को भाव आसमाना प पुगाद्‍यो।